Badatoz berriz ere Bardoak Zaraitzura

Guztira, 16 talde eta 113 parte hartzaile ariko dira 2018ko Nafarroako taldekako bertso egitasmoan. Otsailaren 2an Beran abiatu eta martxoaren 24an bukatuko da, Lekunberrin. Beste behin ere, auzolana izango da giltzarri.

2012an sortu zen Bardoak, Nafarroako taldekako bertso egitasmoa, herrialdeko bertso-eskolen sarea indartu asmoz. Ordutik, bi urtean behin antolatzen da, auzolana eta talde lana oinarrian jarriz. Modu horretan, bertsolaritza beste modu batera lantzeko aukera ematen da, bertsolari eta bertsozaleen harrobia sustatuz, gune berriak barneratuz eta molde parte-hartzaileak praktikan jarriz. Hiru edizio arrakastatsuren ostean, laugarrenez jokatuko da aurten taldekako txapelketa. Finala, lehiaz harago, Nafarroako bertsolaritzaren eta euskal kulturaren festa handia izango da.

Beste urte batez, Gartxot Ekimenetik gure babesa eta laguntza emanen diogu Otsagabiako Gartxot Elkartearekin batera Bardoak txapelketari. Datorren Otsailaren 9an Otsagabian ospatuko den saioa prestatzen eta ondoren saioa bera gozatzen.

Prestaketa lanekin lagundu nahi baduzu idatzi korreo bat gartxotekimena@gmail.com helbidera.

GURE ESKER ONA

Konturatu gabe X. Gartxot Eguna ospatu dugu Itzaltzun. Eta ez gara gai aurten ere hainbatetan agertu den galderari zehazki erantzuteko: Zer da urtero batzen gaituena? Auzolana, euskara, Gartxoten kondaira, Euskal Herria, kultura, gure lur eta bazterrak disfrutatzea, elkarrekin ospatzea…

Dena dela, zehazki zer den jakin gabe ere, urteroko zita magikoa da. Euskal Herri osoko hamarnaka leku desberdinetatik etorritako Gartxotzaleak elkartzen gara ilusioz eta umore onez. Geure buruari oroitarazteko bizirik gaudela, mugimenduan gaudela, gure herria eta hizkuntza maite ditugula, Gartxot gogoan dugula eta guztia elkarrekin egiteko gai garela.

Gartxot Ekimenetik gure esker ona adierazi nahi dizkizuegu denoi. Itzaltzura gerturatutako bakoitzari, txanda eginez,edo eta modu batera edo bestera lagundu zenutenoi, hilabeteetan lanean egon zaretenoi, asteburua disfrutatzera gerturatutakoei, eskerrak ematera hurbildutako bakoitzari, irrifarra etengabe ahoan zenutenoi, Elkorretaraino Gartxo-ti bisita egitera igotakoei eta “Biba Gartxot!” entzundako bakoitzean, aho batez “BIBA!!” oihukatzen zenutenoi.

Bi egunetarako prestatua geneukana baino askoz gehiago utzi duzue Itzaltzun eta Euskal Herrian zehar zabaldu da . Gartxot sentimendu bat da. Kutsakorra. Segi dezagun ba gure herria oroitu, ospatu eta sortzen.
BIBA ZUEK!!
BIBA GARTXOT!!!
BIBA XUNE!!!!!

2018ko Urtarrilaren 23an, Itzaltzun, Gartxot Ekimena Elkartea

Ate joka dugu 2018ko Gartxot Eguna

Heldu da eta hemen dugu! Urtarrileko elurrekin batera dator agendan markatua geneukan Gartxot Eguna. 2009. urtean sortu eta urtez urte errepikatu ostean, iritsi da 2018ko hitzordua ere. Beste urte batez, Gartxon gogoan, Itzaltzun elkartuko gara urtarrilaren 20 eta 21ean, gure kultura zein hizkuntza auzolanaren bidez bultzatzeko. Egitarau oparoa prestatu dugu hainbat ekitaldirekin, larunbat osoa eta igandea ere elkarrekin gozatzeko.

Azpimarratzekoa da Itzaltzutik kanpo izango den ekitaldi bakarra, bide batez 2018ko Gartxot Egunari hasiera emango diona: Asisko Urmenetaren Eusklabo Alaiak liburu ilustratuaren aurkezpen berezia. Antzerki, musika, bertso eta sorpresaz lagunduta izango da aurkezpena, Ezkarotzeko Ibar Etxean goizeko 12:00tan.

Larunbat eguerdian bazkari herrikoi goxoa dastatzeko aukera izango dugu giro paregabean. Gainera, Aezkoako Mikro Kooperatibak emandako bertako (0 km) janari ekologikoa izango dugu aurten. Txartelak erosteko gartxotekimena@gmail.com helbidera idatzi beharra dago. Aurretik banku bidez ordainketa eginda deskontua izango da, kontutan eduki!

Amaitzeko aipatu nahi dugu Gartxot Eguna posible egiteko gure oinarrietako bat auzolana dela. Gauza asko dira egin beharrekoak eta mota desberdinetako txandak daude. Bazkaria zerbitzatzeko, barra txanda egiteko, bokatak egiteko edo beste zeozertarako prest dagoen orok aukera izango du, horretarako gartxotekimena@gmail.com-era  idatziz. Beso zabalik hartuko zaitugu.

Hauxe da 2018ko Gartxot Eguneko egitaraua:

URTARRILAK 20
12:00etan Ezkarozeko ibar etxean, Asisko Urmenetaren “ Eusklabo alaiak” liburu ilustratuaren aurkezpena.
13:30etan Bermuta eta zanpanzarren kalejira Itzaltzun.
14:30etan Bazkari herrikoia.
16:30etan Bertso saioa dinamikoa, Uxue Alberdi eta Miren Artetxerekin.
19:00etan Xabi Solano eta Zigor DZ-en emanaldia.
21:00 etan Bokata afaria.
Ondoren Gathübi eta Dj Ezekiel.
02:00tan Karparen Itxiera.

URTARRILAK 21
10:00etan Elkorretara ibilaldia
12:00etan  haurrentzako zumba tailerra eta erakustaldia karpan
14:30 etan bazkari autogestionatua
15:30 etan Mattin Lerissa, Behorlegiko kantariaren emanaldia
Ondoren AGURRAK

Bertan elkar ikusiko dugulakoan, mila esker guztioi!
BIBA GARTXOT!!!!

Gartxoten doinua BTN17ko Iruñeko saioan

Pasaden Abenduaren 2an ospatu zen Euskal Herriko Bertso Txapelketaren azkeneko finalaurrekoa. Zortzi bertsolariek haien onena eman zuten eta kristona gozatu genuen haiei esker.

Saio bizia izan zen, eta hara non, emaitzak jakin ondo

ren sorpresa handiena hartu genuen. Agurren unea heldu zela Oihana Iguaranek Gartxot Itzaltzuko Bardoa doinua erabiliz eman zion amaiera bere partehartzeari txapelketan. Doinuaz gainera bardoari, euskarari eta kondaira berari ere keinuak egin zizkion. Sorpresa eta ilusioarekin irrifar bat marraztu zitzaigun aurpegian Gartxotzale askori. Mila esker Oihana! Biba Gartxot eta biba XXI. mendeko bardoak! Itzaltzun espero zaitugu nahi duzunean!

Ondoren agurraren bideorako esteka:
Bukaerako agurra. Oihana Iguaran. BTN17

Oihana Iguaran 2017-12-02

 

2018ko Gartxot Eguna prestatzen

Aupa lagunok!

Hilabete honen amaiera aldera hasiko gara datorren Gartxot eguna 2018 ren aurre prestaketekin. Gartxot eguna 2017 ko programan aldaketa batzuk egon zirenez, eta denen iritzia jakiteko asmoz, galdetegi erraz bat prestatu dugu. Hartu tartetxo bat eta klik batean bidali zure iritzia!

Hementxe duzue galdetegirako esteka: https://es.surveymonkey.com/r/6PBBHFN
Urriaren 25 a bidaltzeko azken eguna.

Aldez aurretik eskerrik anitx!!

Mila esker!

Behin lanak amaitu eta ajeak pasata eskerrak emateko unea iristen da.

Urtero moduen, sentimenduz eta emozio handiz beteriko egunak izan dira, aurreko hilabeteetan egindako lanek, bere fruitua ematen duten egunak…Eta denok izan gara guzti horren parte. Bakoitzak geurea eskeiniz, Gartxot Egunak xarma berezia izaten duelako.

Guztiok izan garelako, Gartxot, Xune, Oxanda..

Aurrerantzean ere, auzolanetik, euskaratik eta euskaraz….lanean jarraituko dugu, kondairaren mapan, Itzaltzuk kapitala izaten jarrai dezan!!

Biba Gartxot!!!
Biba Xune!!!
Biba Mikelot!!!!

Ta biba zuek!!!!!